Саха сирин вице-премьера Ольга Балабкина биллэрэринэн, хамсыгынан ыалдьыы туруга Саха сиригэр өссө да уустук. Ордук күүстээх хонтуруолу дьиэ иһинээҕи алтыһыыга ууруохха наада диэн бэлиэтиир, вице-премьер.
Ол курдук, өрөспүүбүлүкэҕэ бастакытын, ыарыы орто ыарахан таһымынан ыалдьыы икки түбэлтэтэ оҕолор ортолоругар бэлиэтэннэ.
Саха сирин суһал ыстаабын салайааччытын солбуйааччы Ольга Балабкина, төрөппүттэри төһө кыалларынан хамсыгы утары быһыыта ылын диэн ыҥырда. Оскуола, уһуйаан аһыллар кэмнэрэ чугаһаан – бу маннык быһаарыныыны дьиэ кэргэн иһигэр ылыныы - оччонон тоҕоостоох.
«Убаастабыллаах Саха сирин төрөппүттэрэ! Өссө төгүл болҕомтобун эһиги оҕолоргут доруобуйаларыгар уурабын. Оҕолор, быһыыны ылыахтаах нэһилиэнньэ араҥатыгар киирбэттэрин учуоттаан туран, оҕолор чугас эргимтэлэрэ эһиги - ийэлэр, аҕалар, учууталлар төһө кыалларынан хамсыгы утары быһыыны ыларгытыгар ыҥырабын. Кырачааннар чэгиэн сылдьалларын туһугар», - диэн бэлиэтээн туран эттэ вице-премьер.
Барыта өрөспүүбүлүкэҕэ 329 555 доза вакцина киирбит. Билиҥҥи кэмҥэ хамсыгы утары киирбит быһыы уопсай ахсааныттан, 89,9% туһанылынна.
