Киир

Киир

Күн бүгүн Саха сирин 96% үөрэҕин кыһалара саҥа үөрэх дьылыгар бэлэмнээхтэр. Балаҕан ыйын 1 күнүттэн 148 тыһ. оҕо, ол иһигэр 16 тыһ. тахса маҥнайгы кылааска киирээччилэр оскуола боруогун атыллыахтара. Бырабыыталыстыба бэрэссэдээтэлэ Андрей Тарасенко улуус баһылыктарыттан үөрэх дьылыгар бэлэмнэнии хаамыытын отчуоттатта уонна атыдьах ыйын 25 күнүгэр дылы баар боппуруоһу барытын быһааралларыгар сорудахтаата.

"Үөрэх дьыла олоҕурбут ньаманнан саҕаланыаҥа. Хоруона хамсыгын эрэ буолбакка, баһаар суоһаабатын, ититиигэ холбонууну уонна туох баар тутуу үлэлэрэ түмүктэнэллэригэр болҕомтону ууруохха наада. Оҕолор оскуолаҕа кэлэн баран ханнык да кыһалҕаны көрсүө суохтаахтар", - диэн Андрей Тарасенко тоһоҕолоон эттэ.

Үөрэх миниистирэ Михаил Сивцев Бүлүүгэ, Кэбээйигэ, Томпоҕо уонна Дьокуускайга үөрэх тэрилтэлэрэ бэлэмнээхтэрин тутуу графиктан хаалан иэллэрин эттэ. Кэбээйигэ ойуур баһаардарыттан сылтаан, киһи бары онно сылдьар буолан 21 үөрэх кыһата бэлэмнээҕин туһунан туттарбакка олорор. Бүлүү улууһугар Кыһыл Сыыр оскуолата уонна " Аленушка" уһуйаан бэлэмэ суохтар. Кыһыл Сыырга капитальнай өрөмүөн балаҕан ыйын 15 күнүгэр бүтүөхтээх, оттон "Аленушка" уһуйаан мас дьиэтигэр чөлүгэр түһэрии үлэлэрэ атырдьах ыйын 31 күнүгэр түмүктэниэхтээх.

Дьокуускайга 17 эбийиэк графиктан хаала сытар, олортон 8 оскуола уонна 9 уһуйаан. Кинилэр Госпожнадзортан көҥүлү кыайан ылбакка олороллор. Ону үөрэх дьылын саҥатыгар дылы туоратар соруктаахтар. Томпо улууһугар федеральнай үптэн капитальна өрөмүөн ыытылар, хантыраак быһыытынан үлэ ахсынньыга дылы барыахтаах, инньэ гынан оҕолор уһуйааҥҥа кыбыллан үөрэниэхтэрэ.

 

 

 

Тарҕат:

Санааҕын суруй