Бүлүү улууһун борокуратуурата Бүлүү куоратын баһылыгын урукку солбуйааччытыгар сулууспалаах балаһыанньатын туһанан түөкүннээһиҥҥэ (Арассыыйа ХК 159 ыст. 3 ч.) уорбаланан тэриллибит холуобунай дьыалатын суукка өйөөтө.
2019 уонна 2020 сыл саҥатыгар ыытыллыбыт борокуратуура бэрэбиэркэтэ дуоһунастаах киһиэхэ сайабылыанньата суоҕун уонна үлэни биэрээччи көҥүллээбэтэҕин үрдүнэн, хамнаһыттан быдан элбэх абаансаны ыыппыт, инньэ гынан 362 тыһ. солк. хоромньу оҥоһуллубутун булбута. Онуоха буҕаалтыр отчуотугар ити харчы ханан да көрдөрүллүбэтэх. Борокуратуура модьуйуутунан ити хоромньу бүддьүөккэ толору төлөнүллүбүт.
Суут уорбаланааччыны буруйдааҕынан билиммит уонна 2,5 сыл усулуобунай болдьоххо уураахтаабыт. Бириигэбэр сокуонай күүһүгэр киирэ илик диэн өрөспүүбүлүкэтэҕи борокуратуура пресс-сулууспата суруйар.
