Атырдьах ыйын 20-22 күннэригэр ГИБДД үлэһиттэрэ суолга маассабай бэрэбиэркэни ыыппыттар. Ол түмүгэр 39 суоппар арыгы иһэн баран уруулга олорбуттарын туттулар. Олортон 8 суоппар итирэн баран уруулга хаттаан олорбуттара биллибит.
Итирик туруктаах уруулга хаттаан олордохторуна Арассыыйа ХК 264.1 ыст. холуобунай дьыалаҕа эриллэллэр. 200-300 тыһ. солк. дылы ыстырааптаныахтарын, эбэтэр икки сылга дылы хаайыыга киириэхтэрин сөп. Маны таһынан суут күһэлэҥ үлэҕэ ыытыан сөп.
От ыйыгар Дьокуускай куораттааҕы суут куорат олохтоҕун итирэн баран хос уруулга олорбутун иһин икки сылга холуонньаҕа укпута. Суоппар былырыын атырдьах ыйыгар итирэн баран матассыыкылга олорбутун туппуттар, ол иннинэ эмиэ итирэн баран уруулга олорбут. Суут суоппардыыр быраабын быспыта уонна икки сылга кытаанах эрэсиимнээх холуонньаҕа утаарбыт.
