Киир

Киир

Билии күнүгэр Хаҥалас улууһун Өктөмүгэр үөрүүлээх быһыыга-майгыга саҥа оскуола-саад арыллыаҕа. Бу күн Дьокуускай куоракка 203-с түөлбэҕэ эмиэ биир саҥа оскуола арыллыаҕа — Глобальнай үөрэхтээһин киинэ. Сыл бүтүөр дылы өрөспүүбүлүкэҕэ 8 саҥа оскуола аанын арыйыаҕа. Эһиил маннык көстүү хатыланыаҕа.

Ол курдук, федеральнай бүддьүөттэн биэс саҥа оскуола, оттон өрөспүүбүлүкэ үбүттэн 4 саҥа оскуола арыллыахтара. Киин куораппытыгар 990 миэстэлээх саҥа оскуола тутуута саҕаланыаҕа, ону таһынан Пригороднай, Хатас уонна 5-с №-дээх оскуолаҕа эбии тутуу барыаҕа. "Демография" национальнай бырайыак иитинэн бу саас икки саҥа уһуйаан үлэҕэ киирбитэ: 85 миэстэлээх 203-с түөлбэҕэ уонна Таатта Баайаҕатыгар 80 миэстэлээх уһуйаан. Сыл бүтүөр дылы 8 саҥа уһуйаан тутуллан үлэҕэ киириэҕэ: Алдан куоратын "Солнечный" түөлбэтигэр, Нам Кириэс Кытылыгар, Дьокуускайга Саҥа пуорт оройуонугар, Уус Алдан Бороҕонугар, Өлүөхүмэ куоратыгар уонна Амма Өнньүөһүгэр.

 

Тарҕат:

Санааҕын суруй