Ааспыт нэдиэлэҕэ Росгвардия Саха сиринээҕи салаатын үлэһиттэрэ 120 сааны былдьаатылар, 126 быраабылыны кэһии түгэнин арыйдылар. Онтон улахан аҥаарын – Дьокуускай куоракка.
“Өрөспүүбүлүкэ киин куоратыгар 51 сокуону-быраабыланы кэһии түбэлтэтэ арылынна. Мииринэй улууһугар – тоҕус. Үөһээ Халымаҕа, Алдаҥҥа уонна Муомаҕа – алталыы. Барыта холбоон 120 саа былдьанна. 31 сааны дьон бэйэтин баҕатынан аҕалан туттарда”, - диэн иһитиннэриигэ суруйаллар.
Сокуону, бэрээдэги кэһии, сүрүннээн, көҥүллүүр докумуон болдьоҕун кытта сибээстээх. РОХаны кэмигэр ылар, болдьоҕун куоттарбат туһугар, докумуон көҥүллэммит дьолдьоҕо бүтүөн биир ый иннинэ Росгвардия Лиссиэнсийэни-көҥүлү биэрэр киинигэр докумуоннары туттарыахха, уһатар туһунан сайабылыанньаны суруйуохх наада.
“Сорох саалаах дьон РОХаларын болдьоҕо бүтэрэ олох аҕыйах күн халбытын кэннэ эбэтэр бүппүт күнүгэр кэлэллэр. Ол – төрдүттэн сыыһа, бэрээдэги кэһии. Өскөтүн саалаах киһи көҥүлүн болдьоҕо бүтэрэ чугаһыырын саҕана Саха сиригэр суох буоллаҕына, дойду ханнык баҕарар муннугуттан Госуслуги портал нөҥүө сайабылыанньатын ыытыан сөп. Оччоҕуна кини административнай эппиэккэ тардыллыбат”, -- диэн иниспиэктэрдэр этэллэр.
Дьон сайабылыанньаны үксүгэр судаарыстыба порталын нөҥүө ыытарын, электроннай өҥөнөн туһанарын туһунан Киин салайааччытын эбээһинэһин толорооччу Иван Гурин этэр: “Барыта 1046 сайабылыанньаны биэрбиттэриттэн 936-тын Госуслуги порталынан ыыттылар. Ол аата сайабылыанньа 89 %-нын”.
Биир сыл иһигэр сааҕа-сэпкэ сыһыаннаах сокуону-быраабыланы иккитэ кэстэххинэ, илдьэ сылдьар быраабыҥ биир сыл устата быһыллыан сөп.
