Киир

Киир

Өрт уотуттан ордук эмсэҕэлээбит улуус олохтоохторуттан бастакы бөлөх доруобуйаларын тупсара сонотуоруйдарга көттүлэр. Бу туһунан Ил Дархан уонна бырабыыталыстыба дьаһалтатын пресс-слууспата иһитиннэрэр.

Путевканы сүрэх-тымыр, тыынар уорганнара уонна учуокка турар ыарыһахтар ылбыттар. Атырдьах ыйын 27 күнүгэр Горнай, Бүлүү, Уус Алдан, Чурапчы, Хаҥалас улуустарыттан уонна Дьокуускайтан 180 киһи көппүт. 70-нуу киһи атырдьах ыйын 31 уонна балаҕан ыйын 1 күннэригэр көтүөхтэрэ. Маны таһынан алтынньыга уонна сэтинньигэ эмиэ барыахтара. Маныаха анаан өрөспүүбүлүкэ бүддьүөтүттэн 40 мөл. солк. көрүлүннэ.

Маннык эмтэниини, доруобуйаны тупсарыыны Айсен Николаев көҕүлээбитэ. Онуоха Владимир Путин өйөөбүтэ уонна кылгас кэм иһигэр соцстрахтарга Москуба, Владимир уонна Тюмень уобаластарын сонотуоруйдарга путевканы тыырарга сорудахтаабыта. 

 

Тарҕат:

Санааҕын суруй

Бүтэһик сонуннар