Киир

Киир

Өрөспүүбүлүкэ мөлтөх суоллаах-иистээх 25 улууһугар болдьоҕун иннинэ куоластааһын саҕаланна. Ол туһунан Киин быыбардыыр хамыыйа иһитиннэрэр.

Атырдьах ыйын 29 күнүттэн өрөспүүбүлүкэ суола-ииһэ суох сирдэригэр куоластааһын саҕаланна. Онно барыта 25 улуус хапсар. Быыбарга кыттар киһи ахсаана – 543.

Уоспайынан, биһиги өрөспүүбүлүкэбитигэр Судаарыстыбаннай Дуума дьокутааттарын талар быыбарга болдьоҕун иннинэ 10,3 тыһыынчаттан тахса киһи куоластыахтаах. Үгэс курдук, ол – табаһыттар, вахтовиктар, көмүс сууйааччылар, метеорологтар, гидропост үлэһиттэрэ, о.д.а.

Быыбар хамыыһыйатын чилиэннэрэ куоластааччыларга диэри бөртөлүөтүнэн-сөмөлүөтүнэн, уу тырааныспарынан, о.д.а. араас тиэхиньикэнэн тиийиэхтэрэ.

Болдьоҕун иннинэ куоластааһын атырдьах ыйын 29 күнүттэн балаҕан ыйын 16 күнүгэр диэри ыытыллар.

Саха сиригэр Госдума дьокутааттарын сэргэ Университеттааҕы биир мандааттаан 3 №-дээх уокурукка уонна эмиэ биир мандааттан 34 №-дээх Халыма-Инидигиир уокуругуттан Ил Түмэн дьокутааттарын талыахтара. 76 сиргэ муниципальнай быыбар тэриллиэҕэ.

Тарҕат:

Санааҕын суруй

Бүтэһик сонуннар