Бырабыыталыстабы бэрэссэдээтэлин солбуйааччы Михаил Никифоров балаҕан ыйын 7 күнүгэр өрөспүүбүлүкэҕэ от хампаанньата хайдах баран иһэрин билиһиннэрдэ.
ТХМ иһитиннэрбитинэн, билигин 364 гаа от охсуллубут. 349 туонна оту кээспиттэр (76 бырыһыан), 13 туоннаттан тахса сиилэһи (52), 4 туоннаттан тахса сенаһы (33) бэлэмнээбиттэр.
Сыллааҕы былаантан 70 бырыһыантан тахсаны маннык улуустар ылбыттар: Бүлүү (96), Үөһээ Бүлүү (94), Кэбээйи (87), Амма (86), Ньурба (82), Мэҥэ Хаҥалас (78), Таатта (84), итиэннэ Арктика улуустара.
Былаантан ордук хаалыы маннык улуустарга бэлиэтэнэр: Томпо 25% (34%), Уус Алдан 49% (61%), Чурапчы 58%(59%).
Билигин Амыр уобалаһыгар икки мобильнай биригээдэ оттуу сылдьар. 2400 туонна былаантан 1000 туоннаны бэлэмнээбиттэр. Кинилэр салгыы үлэлииллэр.
Бырабыыталыстыба кыстыгы туоруурга 56 мөл. солк. биэрэргэ быһаарбыт. Улуустартан сайаапкалары кэтэһэллэр.
