Роспотребнадзор Саха сиринээҕи управлениета хоруона хамсыга уонна тумуу буккуһан, дьон ыалдьыыта өссө ыарыа диэн сэрэтэр.
"Билигин нэһилиэнньэ ортотугар коронавирус тарҕаныыта тохтообот, ону ааһан хас күһүн-кыһын ахсын үгэс курдук тумуу дьаҥа тарҕанар, онон бу икки суостаах ыарыы холбоһон, дьон ыараханнык ыалдьар буолуо диэн дьиксинэбит", - диэн биэдэмэстибэҕэ сэрэтэллэр. Билигин өрөспүүбүлүкэҕэ тумууттан уонна хоруона хамсыгыттан утары быһыыны маассабайдык биэрии салҕанар. Онон бу икки кутталаах ыарыыттан харсытанарга быһыыны ылыахха наада. Сезоннай тумууттан быһыыны биэрии тоҕоостоох кэминэн балаҕан-сэтинньи ыйдара буолаллар. "Ыарыы күүскэ туруон инниттэн иммунитет баар буоларыгар, быһыыны бу кэмҥэ ыла охсор ордук. Кэллэктиибинэй иммунитет быһыыны ылбыт дьону эрэ буолбакка, быһыыны мэдэссиинэ көрүүтүнэн көҥүллэммэккэ. ылбатах дьону эмиэ харыстыыр", - диэн управлениеҕа чопчулууллар.
Билигин Саха сиригэр быһыыны утары "Совигрипп" уонна "Ультрикс квадри" диэн вакциналар кэлбиттэр. Буор-босхо бу быһыыны ыарыыга ордук ылларытыа маннык бөлөхтөр ылаллар:
- 6 ыйдарыттан оҕолор;
-Уһуйааҥҥа сылдьар оҕолор;
-1-11 кылаас үөрэнээччилэрэ;
-устудьуоннар;
-дьарҕаа ыарыылаахтар (ол иһигэр тыҥа. сүрэх-тымыр, уойуу ыарыылаахтар, метаболизмнара кэһиллиилээхтэр);
- дьону кытары алтыһар идэлээх дьон;
-мэдэссиинэ уонна үөрэх, хомунаалынай, өҥөнү оҥорор эйгэ үлэһиттэрэ;
-МФЦ, социальнай үлэһиттэрэ;
судаарыстыбаннай уонна муниципальнай сулууспалаахтар.
Быһыыны олорор эбэтэр үлэлиир сиргитинэн полиуклиникаҕа баран ылаҕыт. Маны таһынан, үөрэх, үлэ сирдэригэр анал биригээдэлэр тиийэн биэриэхтэрин сөп.
