Ааспыт сууккаҕа Саха сиригэр эбии 163 киһи хоруона хамсыгар хаптарбыта биллибит. Бу туһунан эрэгийиэннээҕи хоруона хамсыгын бохсор суһал ыстаап иһитиннэрэр.
Саамай элбэх ыарыһах киин куоракка бэлиэтэммит — манна биир суукка иһигэр 93 ыарыһаҕы бигэргэппиттэр. Амма улууһугар 10 киһи ыалдьыбыт, Алдаҥҥа —8, Мииринэйгэ уонна Мэҥэ Хаҥаласка алталыы киһи ыалдьыбыттар.
Биэстии ыарыһаҕы Өлөөн, Нерюнгри, Хаҥалас уонна Уус Майда улуустарыгар булбуттар. Булуҥҥа, Бүлүүгэ, Ленскэйгэ, Намҥа, Муомаҕа уонна Чурапчыга үстүү саҥа ыарыһаҕы бигэргэппиттэр. Биирдии ыарыһаҕы Кэбээйигэ уонна Сунтаарга булбуттар.
Ааспыт сууккаҕа өрөспүүбүлүкэ лабаратыарыйалара 4153 коронавирус анаалыһын чинчийбиттэр, уопсайа хамсык саҕаланыаҕыттан 384532 маннык тест ыытыллыбыт.
Стопкорнавирус.рф дааннайдара этэллэринэн, Саха сиригэр балаҕан ыйын 7 күнүгэр — 5, 8 күнүгэр —6, балаҕан ыйын 9 күнгэр —5 киһи өлбүттэр.
