Бүгүн, балаҕан ыйын 10 күнүгэр, уһун ыарахан ыарыыттан 94 сааһыгар Дьокуускай куорат Бочуоттаах олохтооҕо — ГАИ бэтэрээнэ, Аҕа Дойду Улуу сэриитин кыттыылааҕа Дмитрий Николаевич Алексеев күн сириттэн күрэннэ.
Кини 1950-с сыллартан 1980-с сыылларга дылы ГАИ аатырбыт иниспиэктэрэ этэ. Кинини дьон ытыктаан "ВОДКА" диирэ, ол эбэтэр "Водитель! Осторожно! Дорогу контролирует Алексеев!" диэн суолталааҕа. Дмитрий Николаевич 1927 сыллаахха олунньу 23 күнүгэр төрөөбүтэ. 1945 сыллаахха сэриигэ ыҥырыллыбыта. 1951 сыллаахха сэрииттэн эргиллэн баран Дьокуускайдааҕы ГАИ сулууспатыгар киирбитэ. 1983 сыллаахха биэнсийэҕэ тахсыбыта. Биэнсийэҕэ да олордор, уопсастыбаннай олоххо олус көхтөөхтүк кыттыбыта, чөл олох туһугар турууласпыта, олоҕун тиһэх күннэригэр дылы үүнэр көлүөнэни иитиигэ, ИДьМ эдэр үлэһиттэригэр сүбэ-ама буола сылдьыбыта. Кини Москубатааҕы Олимпиада кэмигэр командировкаҕа ананан чиэстээхтик Олимпиада суолларын манаабыта. Үлэ Кыһыл Знамета уордьаннаах, "Японияны кыайыы иһин", 3-с истиэпэннээх "Чаҕылхай сулууспатын иһин" мэтээллэрдээх.
Дмитрий Николаевич чугас дьонноругар, аймахтарыгар, кэллиэгэлэригэр дириҥ кутурҕаммытын тиэрдэбит.
