Киир

Киир

Саха сиригэр хамсык балаһыанньата бэрдэ суох. Бүгүҥҥү туругунан эбии 155 киһи хоруона хамсыгар хаптарбыта биллибит.

Ити туһунан брифинг кэмигэр Ольга Балабкина иһитиннэрдэ. Саамай элбэх киһи Дьокуускайга ыалдьыбыт — 91. Мииринэйгэ, Бүлүүгэ биэстии киһи ыалдьыбыт. Аллайыахаҕа, Дьааҥыга, Нерюнгрига, Орто Халымаҕа — 4-түү, Абыйга, Алдаҥҥа, Ленскэйгэ, Уус Алдаҥҥа, Уус Майдаҕа, Хаҥаласка —3-түү, Булуҥҥа, Мэҥэҕэ, Өлүөхүмэҕэ, Сунтаарга, Усуйаанаҕа —2-лии, Аммаҕа, Үөһээ Халымаҕа, Эдьигээҥҥэ, Кэбээйигэ, Муомаҕа, Намҥа, Аллараа Халымаҕа, Өймөкөөҥҥө, Өлөөҥҥө, Чурапчыга биирдии киһи ыалдьыбыттар.

Ольга Балабкина балаҕан ыйын саҥатыгар дьон уоппускаттан кэлэрэ элбээн, үөрэх дьыла саҕаланан, кэлии-барыы улаатан ыарыы киэҥник тарҕаммыт. Онон бары санитарнай ирдэбили тутуһан сылдьарбытыгар ыҥырда. Билигин балыыһалар бары толору бэлэмнээх, элбэх ыарыһаҕы көрсөргө бэлэм олороллор. Доруобуйа харыстабылын министиэристибэтэ иһитиннэбитинэн, билигин балыыһаларга сытар ыарыһахтар олус ыараханнык ыалдьаллар. Онон билигин улуус киин балыыһалара эмиэ толору ноҕуруусканы көтөҕөн олороллор, барыы киин балыыһаларга реанимация баар. Онон ыарахан ыарыһахтары киин балыыһаҕа эмиэ эмтиэхтэрин сөп. Билигин телемедицинаны туһаныыны күүһүрдүбүттэр. Хат дьахталлары хайаан да барыларын Дьокуускайга ыытан эмтэтэллэр.

Тарҕат:

Санааҕын суруй

Бүтэһик сонуннар