Киир

Киир

Күн бүгүн Саха сиригэр 373 899 гаа от охсуллубут, 375 479 туонна от кэбиһиллибити, ити сыллааҕы былаантан 82 бырыһыанын ылар. Бу туһунан бырабыыталыстыба бэрэссэдээтэлин солбуйааччы Михаил Никифоров кыстыкка бэлэмнэниигэ аналлаах брифинг кэмигэр кэпсээтэ.

ТХМ этэринэн, 20696 сиилэс (былаантан 77%), 7455 сенаж (сылааҕы былаантан 50%) бэлэмнэммит. Михаил Никифоров Бүлүү улууһа былдьаһыктаах быыһык кэмҥэ былааны толорбутун тоһоҕолоон бэлиэтээтэ. Былаантан 90 бырыһыантан таһынан Үөһээ Бүлүү, Амма уонна Таатта улуустара куоһарбыттарын, оттон 80-тн тахсаны Ньурба, Ленскэй, Мэҥэ Хаҥалас, Хаҥалас уонна Нам улуустара ситиспиттэрин эттэ. Былаантан ордук хаалыы Томпо уонна Уус Алдан улуустарыгар бэлиэтэнэр. Билигин ТХМ атын эрэгийиэнтэн тиийбэт оту аҕаларга үлэлэһэ сылдьар. Амыр уобалаһыгар, Забайкальскай кыраайга африканскай сибиинньэ чумата туран, ити эрэгийиэннэртэн кытаанах сүөһү аһын аҕалары хааччахтаабыттар. Инньэ гынан, 80 бырыһыаннарын толорбут улуустарга атын эрэгийиэннэртэн сүөһү аһын аҕалыа суохтара. Ол оннугар бэйэбит испититтэн ылсан-бэрсэн кыстыгы туоруохтаахпыт. Сүрүннээн оту Уус Алдаҥҥа, Томпоҕо уонна Чурапчы кэккэ нэһилиэктэригэр аҕалыахтара.
Тарҕат:

Санааҕын суруй

Бүтэһик сонуннар