Киир

Киир

Светлэйдээҕи индустриальнай техникум Мииринэйдээҕи эрэгэйиэннээҕи тэхэниичэскэй колледж (МРТК) салаатынан буолар.

2019 сылтан ылата Светлэйээҕи техникум ньиэп-гаас идэтигэр анаан-минээн үөрэтэр кыһа буолан турар. Туох-ханнык идэлэригэр уһуйар эбиттэрий?

9-с кылаас кэннэ "Эколог-лаборант", "Ньиэби-гааһы таҥастааһын"("Переработка нефти и газа"),"Ньиэп уонна гаас баайдаах сири чинчийии уонна баһылааһын", "Ньиэп уонна гаас баайдаах учаастак энергетическэй тэрилин монтера"идэтийиилэргэ бэлэмнииллэр.

11 кылаас кэннэ "Ньиэп уонна гаас баайдаах сири чинчийии уонна баһылааһын" диэн үөрэтии хайысхата баар. Манна кэтэхтэн эмиэ үөрэнэн идэ ылар кыах баар.

Светлэйдээҕи техникуму бүтэрбит ыччаттары «Роснефть» самалыга – «ТаасҮрэхнефтегаздобыча» үлэҕэ ылыталыыр буолан эрэр.Таас-Үрэхтэн чугас "Роснефть" тупсаҕай баахта бөһүөлэгин туппута түөрт сыл буолла Онон олорор уонна үлэлиир усулуобуйалара бэртээхэй

Ньиэп-гаас идэлээх ыччаты атын хампаанньалар эмиэ үлэҕэ ылыталаан эрэллэр.Холобур, соторутааҕыта "Иреляхское" ХЭТ уонча бакаансыйаҕа үлэһиттэри ыҥырарын биллэрбитэБилигин ньиэп-гаас үлэтигэр араас хабааннаах силиэсэрдэр, изолировщиктар, механиктар, лабораннар ирдэнэллэр. Үлэ баар.Онон, бу маннык идэлээх киһи үчүгэй хамнастаах идэҕэ тиксэр кыахтаах.

Станислав Алексеев. Мииринэй куората.
 
Тарҕат:

Санааҕын суруй

Бүтэһик сонуннар