Эһиил сайын Мииринэй улууһун Айхал бөһүөлэгэр "Доруобуйа" диэн ыра оҥостубут пааркалара үлэҕэ киириэҕэ.
Пааркаҕа кафелар, сынньанар сирдэр, оҕо былаһааккалара, уулуссаҕа эти-хааны эрчийэргэ аналлаах тэриллэр уо.д.а. дьон сынньанарыгар аналлаах эгэлгэ тутуулар баар буолуохтара. Билигин Айхал дьаһалтата өрөспүүбүлүкэ үбүттэн 20 мөл. солк. кэтэһэр. Маны таһынан, бырайыак АЛРОСА ыытар "Территория АЛРОСА" диэн уопсастыбаннай көҕүлээһиннэр күрэхтэрин кыайыылааҕынан буолбут. Ил Дархан Айсен Николаев уонна АЛРОСА генеральнай дириэктэрэ Сергей Иванов айхаллары бэйэлэринэн эҕэрдэлээбиттэрэ.
Мииринэй улууһун тупсаҕай гына оҥорууга туһуламмыт АЛРОСА "Народный актив" диэн бырайыагы үлэлэппитэ. Онуоха бэйэ бырайыагын олохтоохтор, уопсастыбаннай тэрилтэлэр уонна муниципалитет оҥорон кыттыан сөп. Айхаллааҕы "Доруобуйа" пааркатын тутууга алмаастаах хампаанньа 5,8 мөл. солк. биэриэҕэ. Ити бырагыраама иитинэн Айхалга "Про-движения" диэн идэҕэ туһаайар медиа-киин бар буолуоҕа.
