Киир

Киир

Эдэр табаһыттары өйүүр бырагыраманы дойду атын эрэгийиэннэригэр тарҕатаргаэтии киирдэ. Бу туһунан Саха сирин үөрэххэ министиэристибэтэ иһитиннэрэр.

Маннык этиини Арктиканы сайыннарыыга уонна хотугу норуоттар дьыалаларыгар миниистири бастакы солбуйааччы Михаил Погодаев Арктика зонатыгар үгэс буолбут салааларга каадыры хааччыйыы боппуруоһугар туһуламмыт төгүрүк остуол кэмигэр эттэ.

Кини этэринэн, бу бырагырааманы дойду үрдүнэн тарҕатыллыахтаах уонна үбүлээһинин улаатыннарыллыахтаах. Маны таһынан мунньахха агрооскуолалар тиһиктэрин кэҥэтэргэ эттилэр. Билигин Саха сиригэр 27 муниципальнай тэриллиигэ 91 агрооскуола баар. Эһиилгиттэн АГАТУ уонна үөрэх министиэристибэтэ кыттыһан ханнык оскуола агро хайысханы тутуһуон сөбүн чуолкайдыахтара.

"Эдэр табаһыт" бырагырааманы 2020 сыллаахха саҕалаабыттара. Ол чэрчитинэн, 4 сылтан аҕыйаҕа суох сыл таба иитиитинэн дьарыктанар  35 саастарын туола илик эдэр табаһыттарга 1 мөл.солк. биэрэллэр. Маннык төлөбүр биирдэ эрэ бэриллэр, төлөбүрү ылбыт табаһыт хайаан да 5 сылтан итэҕэһэ суох үлэлиэхтээх.

Тарҕат:

Санааҕын суруй