Саха сиригэр хоруона хамсыгын хааччахтара алтынньы ый бүтүөр дылы уһаата.
Маныаха туһааннаах уураахха Ил Дархан Айсен Николаев бүгүн, балаҕан ыйын 30 күнүгэр баттаата. Уураахха ыйылларынан, саататар, култуурунай. физкултуура, сырдатар, эрэкэлээмэ уонна да атын маассабай тэрээһиннэр, ол иһигэр сынньалаҥ пааркаларыгар, эргиэн-саататар кииннэригэр, аттракционнарга уонна дьон тоҕуоруһар сирдэригэр тэрийэри боптулар. Маны таһынан, сэтинньи 1 күнүгэр дылы улахан саастаах нэһилиэнньэни диспансеризациялааһын, профилактика мэдиссиинэ көрүүтэ тохтоото. Үлэни биэрээччилэр үлэһиттэрин аҥаарын дьиэттэн үлэҕэ көһөрөргө сүбэлээтилэр. Санатар буоллахха, бүгүҥҥү туругунан эбии 205 киһи хоруона хамсыгар хаптарда.
