Бүгүн аҕам саастаах дьон күннэрэ бэлиэтэнэр. Бу бэлиэ даатаҕа сөп түбэһиннэрэн, 3-с №-дээх өрөспүүбүлүкэтээҕи клиническэй балыыһаҕа саҥа паллиативнай стационар (сиэстэрэлэр көрөр отделениелара) арылынна.
Саҥа стационарга кырдьаҕас, ыарахан ыарыылаах дьон эмтэниэҕэ, 15 куойкалаах.
Сүрүннээн Альцгеймер ыарыылаахтар, терминальнай стадияҕа сылдьар дьарҕаа ыарыылаахтар, инсуллаабыт дьоннор эмтэниэхтэрэ. Маны таһынан орон-тэллэх буолбут кырдьаҕастар ыарыыларын аччатыахтара. Стационар төгүрүк суукка үлэлиэҕэ.