Саха сирэ «Үөрэхтээһин» («Образование») национальнай бырайыагы олоххо киллэриигэ биир бастыҥынан ааттанна

Арассыыйа Үөрэҕириитин министиэристибэтэ кэтээн көрүүтүнэн, Саха сирэ «Үөрэхтээһин» («Образование») национальнай бырайыагы олоххо киллэриигэ биир бастыҥынан ааттанна. Бу туһунан тэрилтэ пресс-киинэ иһитиннэрдэ. «Күөх» балаһа (зона) лиидэрдэрин быыһыгар Саха Өрөспүүбүлүкэтэ, Магадаан уобалаһа, Федеральнай таһымнаах Севастополь куорат, Татарстан Өрөспүүбүлүкэтэ, Тамбов уобалаһа, Камчатскай кыраай, Владимирскай уобалас, Ленинград уобалаһа, Федеральнай таһымнаах Санкт-Петербург куорат, Брянскай уобалас, Тюмень уобалаһа, Калининградскай уобалас, Кузбас - Кемеровскай уобалас, Хабаровскай кыраай, Адыгея Өрөспүүбүлүкэтэ, Красноярскай кыраай, Чувашия Өрөспүүбүлүкэтэ, Новгородскай уобалас, Рязань уобалаһа, Хотугу Осетия – Алания Өрөспүүбүлүкэтэ, Липецкай уобалас, Алтайскай кыраай, Коми Өрөспүүбүлүкэтэ, Волгоград уобалаһа киирдилэр.

Кэтээн көрүү кэнниики түмүктэрэ көрдөрөллөрүнэн, Арассыыйа 43 эрэгийиэнэ «Үөрэхтээһин» («Образование») национальнай бырайыак үлэтин толорууга күн-дьыл кыраапыгыттан хаалан иһэллэр эбит.

«Кыһыл» балаһаҕа (зонаҕа) киирсэр эрэгийиэннэринэн Сахалин уобалаһа, Дагестан Өрөспүүбүлүкэтэ, Югра- Ханты-Мансийскай АУО, Астраханскай уобалас, Воронежскай уобалас, Мурманскай уобалас, Кировскай уобалас, Кабардино-Балкарскай Өрөспүүбүлүкэ, Оренбург уобалаһа, Приморскай кыраай, Чукотскай автономнай уокурук, Еврейскай автономнай уобалас, Ненецкэй автономнай уокурук буолбуттар.

Үлэни толорбот буолуу ордук сытыы боппуруоһа Еврейскэй автномнай уобаласка турар эбит. Даҕатан эттэххэ, Арассыыйа Үөрэҕириитин министиэристибэтин кэтээн көрүүтүнэн «кыһыл» балаһаҕа (зонаҕа) үһүс төгүлүн киирэр буоллахха, эрэгийиэн миниистирин дуоһунаһыттан устуу куттала баар эбит.

Ыспыраапка.

Арассыыйа Бэрэсидьиэнэ Владимир Путин олохтообут «Үөрэхтээһин» («Образование») национальнай бырайыага Арассыыйа Федерациятыгар талааннары сайыннарар уонна бэйэни булунар национальнай соругу толорууга туһаайыллыбыт.