Киир

Киир

Алтынньы 13 күнүнээҕи туругунан, өрөспүүбүлүкэҕэ 263(!) киһи ыарыйда. Ол эбэтэр, хоруона хамсыгын хобдох рекорда олохтонно. Санаттахха, 2020 сыл сэтинньи 23 күнүгэр 244 киһи ыалдьыбыта. Бэҕэһээ 245 этэ. Хара хамсык ыллар хардыынан хаамар. Ол туһунан суһал ыстаап иһитиннэрэр.

Элбэх киһи киин куоракка ыалдьыбыт – 142.

-- Мэҥэ Хаҥаласка, Намҥа – уон биирдии;

-- Алдаҥҥа, Уус Алдаҥҥа – тоҕустуу;

-- Ленскэйгэ – 8;

-- Аммаҕа – 7;

-- Мииринэйгэ, Нерюнгрига, Томпоҕо, Хаҥаласка, Чурапчыга – алталыы;

-- Аллараа Халымаҕа – 5;

-- Үөһээ Бүлүүгэ, Сунтаарга, Тааттаҕа – түөртүү;

-- Булуҥҥа, Бүлүүгэ, Эдьигээҥҥэ, Кэбээйигэ -- үстүү;

-- Үөһээ Дьааҥыга, Горнайга, Эбээн Бытантайга – иккилии;

-- Аллайыахаҕа – 1.

Суукка иһигэр лабаратыарыйалар 5 300 анаалыһы чинчийбиттэр.

Москубаҕа кииннээх федеральнай суһал ыстаап иһитиннэринэн, ити күн хоруонаттан сылтаан 5 киһи тыына быстыбыт. Хамсык туруоҕуттан – 1302. Суукка иһигэр 86 киһи үтүөрбүт. Дьаҥ туруоҕуттан – 42 593.

“Стопковид19.саха.гов.ру” саайт чахчыларынан, бүгүҥҥү күҥҥэ өрөспүүбүлүкэҕэ барыта 6 707 киһи ыалдьан олорор.

Алтынньы 11 күнүгэр биир сууккаҕа хоруонаттан сылтаан муҥутуур элбэх киһи өлбүтэ – 13. Ол – эмиэ хобдох, кутурҕаннаах рекорд.  

Тарҕат:

Санааҕын суруй

Бүтэһик сонуннар