Киир

Киир

Чурапчы улууһугар киин ититииттэн гааска көһүү үлэтэ көхтөөхтүк баран турар. Киин ититии систиэмэтиттэн гааска көһүөн баҕалаах дьоҥҥо, 117 тыһыынча суолкуобай субсидия көрүллэр. Саамай элбэх сайаапка Чурапчы сэлиэнньэтиттэн киирэн, үлэ далааһына онно киэҥ. Гааһы ситэри киллэриии бырагыраама чэрчитинэн, күөх төлөн утаҕар 24 олорор дьиэ холбоноро күүтүллэр.

Бүгүҥҥү күн туругунан Чурапчы сэлиээнньэтигэр, 5 уонна 6 №-дээх гаас салааларыгар түмүктүүр үлэлэр бара тураллар. 6 №-дээх салааҕа номнуо бары докумуоннар ситтилэр, салгыы тэхэньиичэскэй усулуобуйаны оҥоруу түһүмэҕэ хаалла. Дириҥ нэһилиэгэр гаас утахтарын туруору утахтара дьиэлэргэ тиксэр үлэлэрэ түмүктэннилэр, 30 дьиэҕэ тэхэньиичэскэй усулуобуйалары таҥыы үлэлэрэ хааллылар, 90 дьиэ номнуо гааска холбонно. Одьулууҥҥа, нэһилиэк инники сайдар кэскиллээх сиригэр-уотугар гаастааһын докуомуонун силигэр тиэрдэн ситэрии үлэтэ хаалла. Федеральнай бырагыраама быһыытынан сайыҥҥы уу турбатын тардыы үлэтэ ситэриллэн эрэр. Итини таһынан, «Олохтоох саҕалааһыннары өйөөһүн» бырагыраамма чэрчитинэн, Чурапчы сэлиэнньэтигэр сквер уонна тротуар тутулла тураллар. Хатылы сэлиэнньэтигэр 32 учаастактаах, «Сайдыы» кыбаартал тутуута түмүктүүр түһүмэҕэр тиийдэ.

«Чурапчы улууһа» МТ

Тарҕат:

Санааҕын суруй

Бүтэһик сонуннар