Киир

Киир

"Якутопторг" уочараттаах эргиэн-логистика киинэ (ТЛЦ) аны Усуйаана улууһун Уус Куйгатыгар арыйда. Бу туһунан тэрилтэ пресс-сулууспата иһитиннэрэр.

Маннык кииннэр Дьааҥы бөлөҕүн оройуоннарын таһаҕаһынан, аһынан-үөлүнэн хааччыйыыга тирэх буолуохтара. Бу киинтэн 14 нэүилиэккэ салгыы таһаҕаһы тиэйиэхтэрэ.

Уус Куйгатааҕы киин салгыы Нижнеянскай-Уус Куйга хайысхатынан сылдьар суулунаны ылар былааннаах. Бу суудуна Баатаҕайга да дылы устуон сөп. Онон олохтоохторго наадалаах табаардары кэмигэр тиэрдэр былааннаахтар. 2022 сылга маннык 4 киин арыллыаҕа, ол иһигэр Дьааҥы киинигэр Баатаҕайга.

Бу киин тутуллан киириэҕиттэн, Усуйаана улууһун олохтоохторо Дьокуускай сыанатынан оҕуруот аһын, фруктаны уонна да атын бородууктаны атыылаһар кыахтаннылар. Саҥа тутуу 970 кв.м. иэннээх, 150 т ичигэс ыскылааттаах, 190 т хортуоппуйу харайар сирдээх, 40 туонналаах холодильник камералаах, эргинэр саалалаах уонна үлэһиттэргэ сынньанар сирдээх.

Тарҕат:

Санааҕын суруй