Киир

Киир

Күһэлэҥ үлэҕэ уураахтаммыт дьоҥҥо анал тэрилтэни Ньурба улууһугар арыйары былаанныыллар. Бу туһунан УФСИН Саха сиринээҕи салаатын пресс-сулууспата иһитиннэрэр.

Ньурбаҕа управление начаалынньыга Василий Седрисов тиийэ сылдьыбыт. Кини этэринэн, көннөрөр, иитэр кииннэр тиһиктэрин кэҥэтэр соругу биэдэмэстибэ иннигэр туруорбуттар. Онуоха олохтоох былаастар уонна биисинэс бэрэстэбиитэллэрэ эмиэ кыттыгастаах буолаллара эрэйиллэр. Кини "маннык күһэлэҥ үлэҕэ уураахтаммыт дьону көннөрөр, иитэр сыалтан биһиги тэрилтэ базатыгар 100 киһиэхэ киини, эбэтэр учаастагы тэрийээри гынабыт" диир.

Күһэлэҥ үлэҕэ кыра буруйу оҥорбут, хаайыыннан солбуллубат накаастабылы ылар дьон уураахтаналлар. Маннык дьон уопсайга олороллор, ханнык баҕарар тэрилтэҕэ үлэлииллэр, кинилэр хамнастарыттан 5-20 бырыһыан судаарыстыба туһатыгар тутуллар. Кинилэр атын дьон курдук бырааптаахтар, мобильнай төлөппүөнүнэн уонна интэриниэтинэн туһанар кыахтаахтар. Саха сиригэр бастакы көннөрөр киин 2019 сыл тохсунньутугар Ленскэйгэ тутуллубута, онно 100 киһи хабыллар.

Тарҕат:

Санааҕын суруй