СӨ Көлөҕө министиэристибэтэ кыһыҥҥы сырыы хаһан аһыллыаҕын сылыктаан, суоллар арыллар болдьохторун таһаарда.
Онно ыйылларынан, "Халыма" айан суолугар Хандыгаттан Мэҥэ Алдаҥҥа уонна "Бүлүү" суолугар Үөһээ Бүлүү-Хоро уонна Ньурба-Күндээдэ икки ардыларыгар өрүһүнэн сырыы аан бастаан көҥүллэниэҕэ. 4 туоннаҕа дылы уйуктаах массыыналар сэтинньи 24 күнүттэн сылдьан саҕалыахтара.
Оттон ахсынньы 5 күнүгэр 4 туоннаҕа дылы уйуктаах массыыналар Устье-Сунтаар аннынан, оттон Кириэстээх-Мииринэй суолугар Бүлүү өрүһү туорааһын ахсынньы 10 күнүгэр аһыллара былааннанар.
Дьокуускай-Аллараа Бэстээх хайысханан 10 туоннаҕа дылы уйуктаах массыыналары тохсунньу 5 күнүттэн туоруулларын көҥүллүөхтэрэ.
