Киир

Киир

Атырдьах ыйыгар биһиги былырыын ахсынньыга Дьааҥы улууһун Барылаһыгар Афанасий Аммосов диэн инбэлиит, ыал аҕатын хабарҕатын хайа сотон өлөрбүт дьыалатыгар уорбаламмыт Илья Сотрудниковы Үрдүкү суут сэтээтэллээх мунньаҕа буруйа суох диэн босхолообутун туһунан суруйан турабыт. https://kyym.ru/sonunnar/daj/7550-l-r-khs-t-khajaan-da-khaajyllyakhtaakh

Эмсэҕэлээччи өрүт бириигэбэри кытары сөпсөспөккө, салгыы кассационнай суукка ааһыммыттара. Афанасий биир дойдулааҕа, 32 саастаах Илья Сотрудников  “абааһы көрөн, Аммосовы өлөрөргө сорунан, инбэлиит кэлээскитигэр нэһиилэ олорор киһиэхэ кэнниттэн кэлэн аччаабыта 3-тэн итэҕэһэ суох моонньугар, сэҥийэтигэр уонна үөһээ өттүнэн быһаҕынан аспыт. Ол ылбыт эчэйиилэриттэн Аммосов өлбүт”, - диэн суруллубута. Онуоха СӨ Үрдүкү суутун сэтээтэллэрэ "Сотрудников буруйа дакаастаммата" диэн (онуоха Афанасийы ким да өлөрбүтэ быһаарыллыбат дьылҕаламмыта) матыыптаан саалаттан босхолоон кэбиспиттэрэ. Бүгүн, алтынньы 20 күнүгэр, Новосибирскайга буолбут суукка СӨ Үрдүкү суутун уурааҕын көтүрдүлэр, дьыала хос көрүүгэ барар буолла. Бу туһунан биһиэхэ өлбүт уол бииргэ төрөөбүт эдьиийэ Туйаара Аммосова иһитиннэрдэ. Биһиги бу дьыаланы салгыы кэтээн көрөбүт. 

Тарҕат:

Сэҥээриилэр

Anonymous
0 Anonymous 20.10.2021 21:50
ыал аҕатын хабырҕатын хайа сотон өлөрбүт

хабАрҕатын
Сахалыы элементарнай тыллары билбэт киһи суруйар дуу диэх курдук санааҕа кэлэҕин.
Ответить

Санааҕын суруй