Хамсык ыарыыта өрө турбутунан сибээстээн, Москубаҕа, алтынньы 28 күнүттэн сэтинньи 7 күнүгэр диэри үлэлээбэт күннэри биллэриэхтэрэ. «Известия» хаһыат тиэрдэринэн, тоҕоостоох уураахха, алтынньы 21 күнүгэр, киин куорат аҕа баһылыга Сергей Собянин илии баттаата.
Мантан сибээстээн куоракка, туох баар уопсастыбыннай аһылык, атыы-тутуу, успуорт, култуура уонна аралдьытар-саататар тэрилтэлэо үлэлэрэ тохтотуллуоҕа, бастакы ирдэнэр бородуукталары атыылыыр уонна олох-дьаһах тутулун хааччыйар тэрилтэлэртэн ураты.
Мэдиссиинэ тэрилтэлэр тиһигин быспакка үлэлиэхтэрэ. Суһал көмө үлэтэ тохтообот.
Бу күннэргэ дьон-сэргэ хамнаһа толору ааҕылларын туһунан этиини, дойду бэрэсидьиэнэ Владимир Путин толору өйөөтө. Маны таһынан, эрэгийэннэр бэйэлэрин көрүүлэригэр, үлэлээбэт күннэри эрдэ биллэриэхтэрин сөп диэн, бэрэсидьиэн тоһоҕолоон туран бэлиэтээтэ.
Маныах, судаарыстыба баһылыга хамсыгы утары быһыыны нэһилиэнньэ актыыбынайдык ыларыгар ыҥырда. Дьон-сэргэ быһыыны ылан испэттэриттэн кэллэктиибинэй иммунитет үөскүүрэ бытаарар, эттэ бэрэсидьиэн. Арассыыйаҕа оҥоһуллубут быһыы куттала суоҕун, эрэллээҕин бэлиэтээн туран эттэ Владимир Путин.
