Куораттааҕы Сүбэ Мунньах хамыыһыйата, Лена Афанасьеваттан болдьоҕо туолуон иннинэ дьокутаат боломуочуйаларын устар туһунан боппуруоһу көрдө.
Сүбэ мунньах пресс-сулууспата тиэрдэринэн, маныаха төрүөтүнэн дьокутаат бэйэтиттэн эрдэтинэ боломуочуйаларын устарын туһунан тус сайабылыанньата буолла.
Манна бэлиэтээн эттэххэ, Афанасьева бэйэтиттэн боломуочуйаны устар сүрүн биричиинэтэ – кинини Саха сиринээҕи Доруобуйа Харыстыбылын миниистирин эбээһинэһин солбуйааччынан анаабыттарын кытары ыкса сибээстээх. Федеральнай сокуон (40 ыстатыйата, 10 чааһа, 2 пууна) этэринэн, дьокутаат бэйэтин тус баҕатынан уурайыан баҕарар буоллаҕына, боломуочуйалара эрдэ уһуллар кыахтаахтар.
