Хоруона вируһуттан быһыыны ылбыт өрөспүүбүлүкэ олохтоохторо аптекалартан эми-тому атыылаһарга чэпчэтиилээх буолуохтара. Маныаха атыылаһааччы быһыыны ылбытын туоһулуур сэртипикээти эбэтэр QR-кодун көрдөрүөхтээх диэн Саха сирин Доруобуйаҕа харыстабылын министиэристибэтэ иһитиннэрэр.
«Бу аахсыйа хамсык уустук туругуттан сылтаан нэһилиэнньэҕэ социальнай көмө оҥоруу туһуттан биллэрилиннэ», - диэн сонуннарга кэпсииллэр.
Быһыыны ылбыт дьон маны таһынан элбэх аахсыйаҕа кыттан 15% диэри аптека бородууксуйатыгар чэпчэтиилээх буолуохтарын сөп. Аахсыйа бу сыл бүтүөр диэри уһуоҕа.
Ханнык аптекаларга чэпчэтии баарын испииһэгэ өрөспүүбүлүкэ суһал ыстаабын телеграм-ханаалыгар тахсыаҕа.
