Тыа хаһаайыстыбатын министиэристибэтин пресс-киинэ иһитиннэрэринэн, кыстык саҕаланыаҕыттан Саха сиригэр 56 ынах-сүөһү уонна 9 сылгы өлбүт.
Ааспыт нэдиэлэҕэ Таатта улууһун «Хочо» СХПК 29 эдэр ынах-сүөһүтэ өлөн бу соччото суох статистикаҕа эбиискэ буолла. Эмиэ бу улууска уулуу киирбит 6 сүөһү ууга былдьаммыта. Маннык түбэлтэ Уус Алдан улууһугар буолбута, ол эрэн дьиэ сүөһүтэ быыһаммыта.
«Бүгүҥҥү туругунан элбэх оройуоҥҥа халлаан сылааһыттан муус чараас буолан маннык быһыы-майгы тахсыыта уустугуран иһэр», - диэн иһитиннэриигэ этиллэр.
Биэдэмистибэҕэ дьиэ сүөһүтэ өлүүтүн ааспыт сылы кытта хайдах даҕаны тэҥнэммэтин туһунан чопчулаатылар. Улуус тойотторугар тиэхиньикэ айанын, киһини таһыы, ынах-сүөһү уонна сылгы муус анныгар барбатын туһуттан оһолтон сэрэтии инструктаһын булгуччу ыытыыны санаттылар.
Министиэристибэҕэ эппиттэринэн, Тааттаҕа ууга тимирбит ынахтар хаһаайыннара өлбүт сүөһүтүн этин нэһилиэк олохтоохторугар дьиэ кыылларын аһатыыга анаан тарҕаппыт уонна ол эттэрэ атыыга барбат эбит.
