Хабаровскайтан өссө биир баартыйа 16 туонна убаҕас мэдиссиинискэй кислороду аҕаллылар. Эбии аҕыс туоннаны бэйэ оҥорон таһаарыыга үлэлэһэр Нерюнгриттан «Кислород Якутии» тэрилтэ тиксэрдэ.
Нерюнгриттан «Кислород Якутии» эрэгийиэҥҥэ аан бастакынан мэдиссинискэй кислоруоду оҥорооччу тэрилтэнэн буолла. Бу лицензиятын уонна балыыһаларга тиксэрии боппуруоһун өрөспүүбүлүкэ бырамыысаланнаһын уонна геологиятын Министиэристибэтэ салайбыт.
Миниистир Тарас Терещенко этэринэн, «cоторунан олоххо киллэриэхтээх сорукпут – мэдииссинискэй кислороду бэйэ оҥоруутун эрэгийиэммит киин куоратыгар арыйыы уонна тастан атыылаһыыга тутулуктаах буолууну аччатыы».
Маны таһынан, өрөспүүбүлүкэбитигэр өссө биир убаҕас мэдиссиинискэй кислороду оҥорон таһаарааччы баар буолуох курдук. Саха Өрөспүүбүлүкэтин бырамыысаланнаска уонна геологияҕа Министиэристибэтин пресс-сулууспата иһитиннэрэринэн, Арассыыйа Федерациятын бырамыысаланнаска уонна атыыга Министиэристибэтиттэн лиссиэнсийэни ылыыга «Сахаагроплем» тэрилтэ сайаапка биэриитэ бу сыл бүтүөр диэри былааннанар.
Санатар буоллахха, ааспыт ыйга Айсен Николаев премьер-миниистир Андрей Тарасенколыын мунньаҕар остуолу охсон турардаах. Бу манна кислоруоду оҥорон таһаарыы туһунан кэпсэтии буолбута.
