Бүгүн, сэтинньи 16 күнүгэр, Уус Алдан улууһун Түүлээх нэһилиэгин Кылаайы нэһилиэгэр халлаан тымныйан 1-8 кылаас оҕолоро оскуолаҕа үөрэнэ барбатылар. Бу туһунан улуус дьаһалтатын пресс-сулууспата иһитиннэрэр.
Нэһилиэккэ бүгүн салгын кыраадыһа соһуйуох иһин -49 буолбут. 47 оҕо тэйиччиттэн үөрэнэргэ күһэллибит.
Санатар буоллахха, Саха сиригэр тыала суох -45 кыраадыс буолбут буоллаҕына 1-4 кылаас оҕолоро дьиэлэригэр хаалаллар. Оттон 5-8 кылаас үөрэнээччилэрэ -48 тиийэ тымныйдаҕына оскуолаҕа барбаттар. -50 кыраадыстан аллара буоллаҕына оскуола бары үөрэнээччитэ дьиэтигэр олоруохтаах.
Ааспыт сылтан өрөспүүбүлүкэ киин куоратыгар оҕолор оскуолаҕа барбат кыраадыстарын быһаарарга тыал төһө күүскэ үрэрин эмиэ учуоттуур буолбуттара. Дьокуускайга маннык күннэр ахсынньы ыйтан саҕаланааччылар. Кылаайы сэлиэнньэтэ улуус кииниттэн, Бороҕонтон 77 км. тэйиччи сытар. 2021 сыллааҕы биэрэпиһинэн бу сэлиэнньэҕэ 454 киһи олорор.
Сэҥээриилэр
I have learned lot of things from it about blogging. thanks.
My web site كود
خصم شوب اند شيب: https://pcsc.phsgetcare.org/index.php?title=For_Tension-Free_Traveling_Comply_With_These_Basic_Ideas