Киир

Киир


Майа сэлиэнньэтин олохтоохторугар Аргуновтар - аҕа баһылык Михаил Романович, ийэлэрэ Мичийэ Николаевна элбэх оҕолоох тыа ыалын сиэринэн сайын аайы оҕуруот аһын арааһын үүннэрэр буолбута ыраатта. Иллэрээ сыл социальнай хантыраакка кыттан 6*10 миэтэрэ иэннээх кыһыҥҥы тэпилииссэ туттан, быйыл кыһыннары оҕуруот аһын үүннэрэргэ холонон сылдьар.

"Майа алаас ыала" түмсүү кыттыылаахтара бүгүн, сэтинньи 16 күнүгэр, Аргуновтарга ыалдьыттаан сайыҥҥы кэми эргитэн ыллылар. Истээх таҥастаах дьон киирэн кэлбиппит помидор, оҕурсу, сибэкки салгына ил гынна.

5a66fe51 e83b 4413 8a07 76e1a4290e02
f64ed738 fc8b 4091 b7d3 9c4bbdfee57d

Алтынньы 15 күнүгэр олорбут 22 ук "Стелла", "Детки в грядке" суорт оҕурсулар сибэккилэммиттэр. Бытархай астаах помидордар ситэн саһаран тураллар, буспут кыһыл астар ыйаммыттар. Кирээдэлэргэ сайыҥҥылыы шампиньон маҥан төбөлөрө ыһыллан көстөллөр, петрушка өлгөмнүк үүнэ турар, клубникалар ас куппуттар.

4b939c6b c75f 48d7 80cf e6ed10771ec2
d7baf364 be66 42e6 b627 7dd1435e87e2

Мичийэ Николаевна таптыыр дьарыга сибэкки үүннэриитэ буолар. Тэпилииссэ салгына сииктээх буолан сибэккилэр олус табыллыбыт көрүҥнээхтэр, сибэккилии тураллара киһи хараҕын үөрдэр. Кыстыы киирбит петуньялары, настурциялары кытта сэргэ колеустар, каланхоэлар, декабристар, фукциялар, гранат, пеппино (дынная груша), араас кактустар, драконий фрукт (эмиэ кактус) курдук экзотическай үүнээйилэр бааллар. Ону таһынан манна биир улахан кирээдэ калифорнийскай чиэрбэ көмөтүнэн экологическай уоҕурдуу буор оҥороругар анаммыт.

70303d73 42b7 47f5 a60b 5231534afacf

Хаһаайка олунньуттан арассаада үүннэрэр былааннаах эбит, эһиилгигэ быйылгы уопутутан көрөн помидордаах оҕурсуну ыаллаһыннарбат санаалаах.

Быйылгы кыстыкка дьиэ кэргэнин сибиэһэй оҕуруот аһынан хааччыйар баҕалааҕын кэпсиир.

Хоһуун үлэһит ыаллар Аргуновтар кыһыннары дьиэ кэргэннэрин иҥэмтэлээх оҕуруот аһынан хааччынан үтүө холобуру көрдөрөллөр.

Мичийэ Николаевна @argunovamichiye инстаграм страницатыгар хайдах үүнээйини үүннэрэрин, оҕуруотун көрөрүн-харайарын туһунан кэпсиир эбит.

8616b01e 6812 4eee 8df3 bb4c499597c4

238266dd db8f 43c5 b5f6 489ac98dd044

Ааптар: Евдокия Решетникова.

Тарҕат:

Санааҕын суруй