Киир

Киир

Саратов уобалаһыгар КПРФ биир лиидерэ В.Рашкин тыһы тайаҕы быраканьыардаан өлөрбүтүн тутарга элбэх  быраабы араҥаччылыыр уоргаттар үлэһиттэрэ баалларын, сорох дьон бастаан провокацияҕа үктэттилэр быһыылаах диэн сабаҕалыы сылдьыбыттара. Ол кэннэ аҕыйах хонук иһигэр Саха сиригэр Ньурбаҕа, Киин Арассыыйаҕа хас даҕаны быраабы араҥаччылыыр уоргаттар үлэһиттэрэ быраканьыардаан тутуллубуттарыгар, Рашкины үктэппиттэрин иһин “көстүбэт күүстэр” аньыыларын накаастаатылар дуу диэн дьиктиргии сылдьыбыттара.

Онтон билигин хартыына дьэҥкэрдэ. Рашкин өр саҥата суох сылдьан баран тайаҕы өлөрбүтүн билиннэ. Госдуумаҕа киниттэн дьокутаат статуһун сороҕун устар сурук Генборокуратуураттан киирбит.

Ол эрээри, бу дьыала хайдах түмүктэнэрэ биллибэт буолуох курдук. Рашкин ити өлөрбүт сирин ойууругар тыһы тайаҕы атыылаһан аҕалан ыытан, буруйбун боруостуохпун баҕарабын диир.

Ону быраабы араҥаччылыыр уоргаттар хайыыллара буолла? Өскөтө кини хаайыыттан итинник куоттаҕына, кини кэнниттэн быраканьыардаан тутуллубут быраабы араҥаччылыыр уоргаттар үлэһиттэрэ эмиэ эппиэтинэстэн куотар, ууттан кураанах тахсар кыахтаналлар.

Дьэ, онон дьикти балаһыанньа үөскээтэ, сокуон мэкчиргэ баһын эргийэ олоруо дуу, кытаатан быраканьыардааһыны бохсор буолуо дуу?

Тарҕат:

Санааҕын суруй