Киир

Киир

Дьокуускай куорат олохтоохторун сэтинньи 19-20 күннэригэр киэһэ 17.00 ч. 22.00 ч. диэри 203 микро-оройуоҥҥа баар Smart бибилэтиэкэҕэ уонна Гагаринскай уокурук Ю.А.Гагарин аатынан култуура Киинигэр COVID-19 утары быһыыны ыларга ыҥырабыт. Манна №1 поликлиника быһыыны биэрэр эбии пууннара үлэлиэхтэрэ.

Эбии пууннарга саньытаарынай-эпидемиологическай ирдэбил булгуччу тутуһуллан быһыыны биэрии ыытыллыаҕа. COVID-19 утары быһыыны ылыыга киһи пааспардаах, ОМС уонна СНИЛС полистардаах буолуохтаах. Маннык быһыылар баар буолуохтара: «Гамковид вак» (СпутникV), «Ковивак» уонна быһыыны хос ылыыга «Спутник лайт”.

Ю.А.Гагарин аатынан култуура Киинигэр быһыыны ылбыттарга Саҥа дьыллааҕы оҕо бырааһынньыгар чэпчэтиилээх купон бэриллэр. Оттон Smart бибилэтиэкэ быһыыны ылбыт дьоҥҥо ЛитРес-кэ уонна бибилэтиэкэҕэ ааҕааччы электроннай  босхо билиэтин аныыллар.

Маны таһынан, Саха Өрөспүбүүлүкэтин Судаарыстыбаннай Циркэтэ быһыыны биэрэр пууна үлэ күннэригэр киэһэ 18.00 ч. 21.00 чааска диэри үлэлиир. Манна быһыыны ылбыт киһиэхэ цииркэҕэ чэпчэтиилээх купон биэриэхтэрэ.

Тарҕат:

Санааҕын суруй