Тыа ыала үксэ идэһэлэнэн,түбүктээх үлэлэрин үмүрүтэн дьэ киэһээ аайы хоргуннаах миин,өрөһөлүү эт буһарынан сиир,эттэн араас аһы астанан аһыыр кэмнэрэ саҕаланна.
Балыктаах култуура киинигэр түөлбэлэр икки ардыларыгар "Идэһэ киэһээтэ-2021"быыстапка-дьаарбаҥка тэрилиннэ.Билиҥҥи ирдэбили толору тутуһан олохтоохтор өр мустубакка-көрсүспэккэ сылдьан баран дьэ көрсөн сэргэхсийэн кулууп үлэһиттэрин эҕэрдэ нүөмэрдэрин ытыс тыаһынан көрүстүлэр.Түөлбэлэртэн бастыҥ хаһаайыстыбалаах дьиэ-кэргэттэр бэйэлэрин үлэлэрин-хамнастарын слайданан көрдөрө көрдөрө сиһилии билиһиннэрдилэр.Ол курдук,"Аартык түөлбэттэн" -Ньургун Владимирович,Яна Ильинична Габышевтар,"Лесной түөлбэттэн"-Илья Егорович,Христина Иннокентьевна Мохначевскайдар,"Нагорнай түөлбэттэн- Айтал,Яна Яковлевна Васильевтар,"Сайдыс түөлбэттэн"-Олег Васильевич,Елена Ивановна Стручковтар,"Сүрэх тыа түөлбэттэн"- Гаврил Иванович,Евдокия Васильевна Дьяконовтар кытыннылар. Түөлбэлэр араас аһы астаан аҕалан остуол муҥунан тардан кэбистилэр,турар миэстэлэрин сахалыы киэргэтэн көстүүтүн тупсардылар.Жюри кэрийэн көрөн сыаналаата.Бастакы миэстэҕэ таҕыста "Сайдыс түөлбэ"-сал.Попова А.В,Семёнова М.М.,иккис миэстэни "Лесной түөлбэ" ылла- сал.Гоголева Е.В.,үһүскэ "Сүрэх тыа түөлбэ" тигистэ,сал.Ноговицына Н.Г. Аны "Оригинальнай бүлүүдэ" күрэҕэр бастакы Дьяконова Е.В.,иккис Иванова Т.Е.,үһүс Цыденжапова Т.С.буоллулар."Хартыынаны тилиннэр" диэн биир интэриэһинэй күрэххэ бастакы миэстэ "Лесной",иккис "Аартык",үһүс "Сүрэх тыа" ааттаннылар."Көрдөөх стартар"спортивнай күрэххэ түөлбэлэртэн кытыннылар.1-"Лесной",2-"Нагорнай",3-"Аартык",4-"Сайдыс",5-"Сүрэх тыа" буоллулар.Кыайыылаах "Лесной" түөлбэ олохтоох администрация бирииһин биир куул балык ылла! Бу киэһээ атыылаан элбэх дохуоту киллэрэн анал бирииһи Катакинова С.Д.ылла. Элбэх ыалы кытыннаран бастыҥ түөлбэ анал бириискэ "Аартык түөлбэ"тигистэ,сал.Стручкова С.С.Бу киэһээҥҥи биэчэргэ конкурстарга бириистэри туруордулар олохтоох урбаанньыттар:Игорь Васильевич уонна Игорь Игоревич Стручковтар,Зинаида Софроновна уонна Владимир Владимирович Цыпандиннар уонна Александра Николаевна,Владислав Владимирович Цыпандиннар. Бу тэрээһини олохтоохтор сүрдээҕин сэргээтилэр-хайҕаатылар,ыллаан-туойан,үҥкүүлээн бары астынан тарҕастылар.
тө
Онон,уопсай түмүккэ 1 миэстэ-"Сүрэх тыа,сал.Ноговицына Н.Г.,2 миэстэ-"Лесной",сал.Гоголева Е.В.,3 миэстэ-"Аартык",сал.Стручкова С.С.буоллулар.
