Киир

Киир

Бокуруоскайга ууну ыраастыыр ыстаансыйа тутуута түмүктэнэн эрэр. Сэтинньи 23 күнүгэр, тутуу үлэтэ хайдах баран иһэрин Саха Өрөспүүбүлүкэтин олох-дьаһах хаһаайыстыбатын уонна энергетикатын миниистирин бастакы солбуйааччыта Виктор Романов тиийэн сыаналаата.

Бүгүҥҥү туругунан, тутуу үлэтэ 88% туолбут. Тутуу куонтура сабыллыбыт, оборудование турбут, сылааһы кытта элэктэриичистибэ киирбит, иһигэр нарылыыр үлэлэр ыытыллаллар, баһаарынай сигнализация уонна ис сибээс оҥоһуллар. Технологическай тэрил уонна автоматизация олоххо киириэхтээх үлэтэ бэлэмнэниллэр.

IMG 8869

Ууну ыраастыыр ыстаансыйа үлэтин олоххо киллэрии ахсынньы ыйга былааннанар. 2200 кубометрдээх эбийиэк 7 тыһыынча олохтоох дьону бары нуормаҕа эппиэттэһэр ыраас иһэр уунан хааччыйаҕа.

IMG 8875

Бу эбийиэги сакаастааччынан «Саха Өрөспүүбүлүкэтин судаарыстыбаннай сакаасчыгын сулууспата» буолар. Генеральнай бэдэрээччик - «ДСА» бырайыактаах хампаанньата» тэрилтэ (ООО). Бырайыагы «Водоканал» тэрилтэ оҥорбут.

Ууну ыраастыыр ыстаансыйаны тутуу үлэтэ «Олорор дьиэ уонна куорат эйгэтэ» национальнай бырайыак «Ыраас уу» диэн эрэгийиэннээҕи бырагыраамматынан ыытыллар. Маны таһынан, эбийиэк Саха АССР төрүттэммитэ 100 сылын көрсө социальнай суолталаахтарга киирсэр эбит.

 

Тарҕат:

Санааҕын суруй