Киир

Киир

“Кыым” 41 №-гэр Эбээн Бытантайга ыттар тыһаҕаһы тардыыларын, Нам Таастааҕар саха ынахтарын саанан ытыалаабыттарын туһунан Владимир Степанов "Быраканньыардарга, уоруйахтарга, кыыллыйбыт ыттарга"сокуон кытаатыахтаах”

диэн ыстатыйатын СӨ Борокуруора М.Н. Поповка ирдэбилгэ ыыппыппыт. Сэтинньи 22 к. борокуратуураттан холуобунай-процессуальнай уонна быраабы араҥаччылыыр уорганнар оперативнай көрдүүр үлэлэрин кэтээн көрөр отдел начаалынньыгын э.т. Д.С. Думиновтан сурук туттубут.

Борокуратуура этэрин кылгатан билиһиннэрдэххэ, ааспыт 10 ыйга өрөспүүбүүлүкэ үрдүнэн ыттар дьиэ кыылларыгар 99-та саба түспүттэр. Олохтоох былаастар 4 123 бэйдиэ сылдьар ыты туппуттар, 1 701 ыт – ууһаабат оҥоһуллубут, 3 730 – бэлиэҕэ ылыллыбыт, 3 022 – вакциналаммыт, 2 228 анал дьайыы кэннэ тутуллубут сиригэр төннөрүллүбүт, сокуон быһыытынан. Борокуратуура уорганнара кыыллары иитии эппиэтинэһин туһунан сокуон тутуһулларын кытаанахтык кэтииллэр эбит.

Security - disguised burglar breaking in an apartment or office to steal something

Эбээн Бытантайга С.Д. Слепцова тыһаҕаһын ыттар тардыбыттарын туһунан тыллабыр Арассыыйа ИДьМ-ын улуустар икки ардыларынааҕы “Верхоянскай” отделын дьуһуурунай чааһыгар алтынньы 13 к. киирбит. Бэрэбиэркэ кэннэ СӨ Бэтэринэриийэҕэ департаменыгар бэриллибит. Департамент көрөн баран, улуус баһылыгар ыты көрүү эппиэтинэһин күүһүрдэр дьаһаллары ылары ирдиир сурук ыыппыт.

Сэтинньи 10 к. Үөһээ Дьааҥы силиэстийэтин уоргана  холуобунай дьыаланы тэрийэри аккаастаата, кэтиир борокуруор итини сокуоннай диэн билиннэ. Бэйдиэ сылдьар ыттар С.Д. Слепцова ынаҕар саба түспүттэринэн, ити күн Түгэһиир нэһилиэгин баһылыгар ыты эппиэтинэстээхтик көрүү туһунан федеральнай сокуон кэһиилэрин туоратар представление түһэриллибит.

Нам улууһун Өргөлөөх сэлиэнньэтин Дэгийэ учаастагар ынах сүөһүнү саанан ытыалааһын иһин Нам улууһун ИДьМ-ын отделын дознавателынан 2021 с. сэтинньи 17 к. РФ ХК 167 ыст. 1 ч. холуобунай дьыала көбүтүллүбүт. Билигин баллистическай, дактилоскопическай эспэртиисэ ыытылла турар. “Бу холуобунай дьыаланы өрөспүүбүүлүкэ борокуратуурата хонтуруолугар ылла” диэн түмүктээбиттэр.

Эрэдээксийэттэн:

СӨ Борокуратууратыгар тыа дьоно көлөһүннэрин тоҕон иитэр баайдарын көмүскүүргэ көмөлөрүн иһин махталбытын биллэрэбит. Эппиэттэн көрдөххө, Нам Таастааҕар сүөһүнү ытыалааһыҥҥа холуобунай дьыала ыйтан ордон баран тэриллибитин, борокуратуура хонтуруолга ылан түргэтээбит курдук өйдөөтүбүт.

Тарҕат:

Санааҕын суруй