Киир

Киир

“Тойота Пробокс” массыынанан Дьокуускайтан Аллараа Бэстээххэ диэри дьону туоратан, холуобунай дьыалаҕа эрилиннэ. Ол туһунан өрөспүүбүлүкэ силиэстийэлиир кэмитиэтэ суруйар. Суоппар суол быраабылатын кэспитин ГИБДД үлэһиттэрэ туппуттар.

Санаттахха, Өлүөнэ өрүһү туоруур суол билигин даҕаны арылла илик. Күн-дьыл туран биэрбэккэ, халлаан хойукка диэри ичигэс туран, муус суол арыллар болдьоҕун уһатан биэрбиттэрэ. Ол курдук, Дьокуускай-Аллараа Бэстээх кыһыҥҥы айан суола 2022 сыл тохсунньу 5 күнүттэн арыллыахтаах (10 туоннаҕа диэри). Хатас-Павловскай – ахсынньы 10 күнүгэр (3 туоннаҕа диэри).

ГИБДД иһитиннэрэринэн, ити суолларга бу ый бүтүөр диэри күүстээх эриэйдэлэр буолуохтаахтар. Өрүһү көҥүлэ суох туораатаҕына чааһынай киһи 3-5 тыһыынча, юридическай сирэй – 100 тыһ.-1 мөл. солк. тиийэ ыстарааптаныан сөп.

Тарҕат:

Санааҕын суруй