Киир

Киир

 Сэтинньи 25 күнүгэр Кемеровскай уобалас “Листвяжная” шахтатыгар метан эстэн, 52 киһи өлүүлээх улахан алдьархай таҕыста. Шахта “СДС-уголь” диэн Арассыыйа чоҕун хостуурга уонна экспортааһыҥҥа биир инники күөҥҥэ сылдьар холдинговай хампаанньа састаабыгар киирэр.

СДС-уголь” генеральнай дириэктэринэн биһиги урукку биир дойдулаахпыт, “Якутуголь”-тан үүнэн СӨ бырабыыталыстыбатын бэрэссэдээтэлинэн тиийэ үлэлээбит, Арассыыйа уматык-энергетическэй  комплексын Бочуоттаах үлэһитэ, «Шахтерская слава» үс степенин, “Хотугу сулус” уордьаммыт кавалердара, СӨ норуотун хаһаайыстыбатын үтүөлээх үлэһитэ   Геннадий Фёдорович Алексеев 2016 с. үлэлиир. 2019 с. кини Кемеровскай уобалас губернаторын штаты таһынан сүбэһитинэн анаммыта.

Саахал тахсыбытынан шахта дириэктэрэ Сергей Махраков, кини бастакы солбуйааччыта уонна учаастак начаалынньыга тутулуннулар.

Арассыыйа генборокуруора Игорь Краснов Кемеровскай уобалас бары шахталарыгар бырамыысыланнай куттал суох буолуутун төһө тутуһалларын бэрэбиэркэлииргэ дьаһайда. Губернатор Сергей Цивилев (Саха сиригэр “Колмары” салайа сылдьыбыта) региоҥҥа 3 күннээх траур биллэрдэ. Арассыыйа Бэрэсидьиэнэ Владимир Путин өлбүттээхтэр дьиэ кэргэттэригэр дириҥ кутурҕанын  тиэртэ уонна бары эмсэҕэлээбиттэргэ көмө оҥорорго дьаһайда.

Бу өтөрүнэн тахсыбатах элбэх киһи өлүүлээх алдьархай. Силиэстийэ дириҥник хаһан барара чахчы.

Бэйэ инф.

Тарҕат:

Санааҕын суруй