Киир

Киир

Мииринэй киинигэр олохсуйбут «буруйдаах» тоҕус этээстээх «сибиэчикэ» дьиэ, сокуоннай саастарын ситэ илик ыччаттар буулааһыннарыттан букатын иэдэйдэ.

 Дойду үрдүнэн, хоруона хамсыгын пандемиятыттан сылтаан хааччахтааһын, бөлөҕүнэн сылдьыыны бопсуу бөҕөтө.

Ол Мииринэй куоратыгар төрүт тутуһуллубат.

Хастыы эмэ буоланнар маарыла бэбээскэтэ суох ыччаттар күнүстэри-түүннэри бу дьиэ подъеһыгар ордууланаллар.

Өҕүлү тардыллыбыт лифт панела

Хаһан эрэ бу дьиэ биир кырдьаҕас олохтооҕо, биэнсийэлээх, күн аайы манна тоҕуоруһар ыччаттары үүрэн көрбүтүгэр, түүн кыбартыыратын ааныгар өлөрөллөрүнэн саанан, миэлинэн сидьиҥ тыллары суруйбуттар этэ.

Истиэнэ суруктара

Аныгыскы сырыыларыгар дьиэ аанын тула бөх ыспыттара. Өссө аныгыскы сырыыларыгар кыбартыыралар ааннарын тоҥсуйа-тоҥсуйа күлэн алларастыы-алларастыы куотар «дьээбэ оонньууну» толкуйдаабыттара.

Кинилэр, обургулар, билэллэр, манна хонтуруол дьөрү мэлигирин.

Домофон алдьатыллыбыт

Бу дьиэҕэ, үгүс сыллар тухары, бэлииссийэ бэрт дэҥҥэ үҥсүүлэргэ кэлэ сылдьыбыта.

Олортон биирдэстэрэ - мусоросборник тоҕу баран аҥаара эрэ хаалбытыгар.

Ким бөҕү тоҕор сири урусхаллаабыта сэрэйиллэр эрэ.

Семечка ханна барытыгар ыһылла сытар

Эмиэ бу кэмҥэ, бас-баттах барбыт ыччаттар, дьиэ лиибин алдьаппыттара, баллоннаах кыраасканан араас быдьар суруктары дьабайдаабыттара.

Бу иннинэ дьиэ домофонун тоҕута сынньан, боруобаттарын быһыта тыытан орообуттара. Дьиэни «аккырыытай аан», ким баҕарар киирэр гыммыттара. Арыгылыыр, табаахтыыр бөрүкүтэ суох сир оҥорбуттара. Кэлин олохтоохтор туруорсан домофон баар буолбутун да кэннэ саастарын ситэ илик ыччаттар арахпаттар. Дьиэ аанын куодун номнуо билбиттэр. Бэйэ-бэйэлэригэр тарҕатыһаллар.

Лифт үрүтэ табааҕынан сиэтиллибит

Билигин, подъездка мустар ыччаттар дьикти-дьиибэ түлүппүөн оонньууларынан «дьарыктаналлар”.

Истиэнэлэри буортулууллар. Сиэмэчкэ уонна поп-корн кэбийэллэр. Ыһыытыыллар-хаһыытыллар. Ардыгар охсуһан тилигирэһэллэр.

Түүн үөһүгэр утуйаары сорунар дьону, соруйан ууларын көтүтэн, дьиикэйдээн, этээстэн этээскэ тахсар кирилиэстэр мас сыҥаһаларын доргуталыыллар. Ардыгар подъезка тахсан киирэр да түбэлтэлэрэ бааллар.

Дьэ уонна өссө тугу кэбилииллэрэ хаалла?!

 

Станислав Алексеев. Мииринэй куората.

 

Тарҕат:

Сэҥээриилэр

Оо
+1 Оо 29.11.2021 19:24
Дьаабы эбит..Горького малосемейкаларыгар оруобуна итинник этэ.
Ответить

Санааҕын суруй