Алтыс сылын тутуллар 71 кыбартыыралаах дьиэни тутуу бэдэрээччитэ уларыйан саҥалыы тэтиминэн тутуллар.
Урут “Учууталлар дьиэлэринэн” биллэр эбит буоллаҕына, аны билигин, «Бүддьүөт үлэһиттэрин дьиэтэ» диэн ааттанар. 2021 сылга муус устар ыйыттан ылата тутуу сөргүтүллэн, үлэ-хамнас аргыый аҕай барар. Саҥа бэдэрээччитинэн – «Приоритет» ХЭТ(Сүрүннүүр инженер – Б.Мамедов, прораб – С.Никонов) буолар. Сакаасчыт – Мииринэйдээҕи тутар-хоммунаалынай салалта. Дьиэ иэнэ – 397,17 м., 71 кыбартыыра хомуур иэннэрэ – 2,506,96 м. Бу тоҕус этээстээх дьиэ барылын «Проект-Инжиниринг-ТНТ» оҥорбут. Билигин, тутуу ис-тас бараана, бэнтилээссийэтэ, сылаас-уу утумнара оҥоһуллаллар. Тоҕус этээстээх дьиэ тас бүрүөһүнэ, көрөргүт курдук, уолдьаһан эрэр. Дьиэ истиэнэлэрин аналлаах боолдьоҕунан уонна уу өҥпөт матырыйаалларынан бүрүйүү үлэлэрэ сайын чээрэтигэр, күһүн ыытыллыбыттара. Былаан быһыытынан, 2016 сыллаахтан уһуннук-унньуктаахтык тутуллар 71 кыбартыыралаах дьиэ, ааһан эрэр сыл төрдүс кыбаарталыгар үлэҕэ киириэхтээх диэн буолбут. Ону ахсынньы ыйыгар үлэ хайдах барара дьэҥкэтик көрдөрүөҕэ.
Станислав Алексеев. Мииринэй куората. Ааптар хаартыската.
