Соҕуруу Африка Өрөспүүбүлүкэтин мэдиссиинэҕэ ассоциациатын хотуна, Анжелика Кутзее диэн быраас аан маҥнайгынан СОVID-19 саҥа көрүҥүн булбут. Бу дельта штамыттан уратылааҕа биллибит. Кини хаста даҕаны арҕааҥҥы изданиеларга интервью биэрбитэ, ол кэмҥэ саҥа штамынан сутуллубут киһи хайдах сибикилээх буоларын кэпсээбитэ.
Кини Reuters диэн изданиеҕа интервью биэрэ туран, киниэхэ сэтинньи 18 күнүгэр көрдөрүнэ кэлбит дьон эрдэтээҥҥи ыарыһахтардааҕар ураты сибикилэрдээҕин быһаарбыт. Быраас этэринэн, ыарыы чэпчэкитик киирбит эбит.
Бастаан ыалдьыбыт дьахтар кэпсээбитинэн, «икки күн олус сылаарҕаабыт» уонна төбөтө, былчыҥнара ыалдьыбыт.
«Бу кэрдиискэ ыарыы көстүүтэ көннөрү вируһунан сутуллууга майгынныыра. Ол эрээри, COVID-19 вируһу быһаарар тиэст ыарыы баарын көрдөрөр этэ», - диэн быраас кэпсээбит. Ол күн киниэхэ эбии маннык курдук сибикилээх алта ыарыһах кэлэ сырыппыт, бу дьоҥҥо күөмэйдэрэ кычыкаланар уонна кураанах сөтөл эбиллэн биэрбит эбит, оттон сороххо үрдүк кыраадыс баара бэлиэтэммит. Бу кэнниттэн, сэтинньи 18 күнүгэр, кини SARS-CoV-2 саҥа омикрон-штаммынан ыалдьыбыт 40 киһини көрбүт.
