Чурапчы нэһилиэгэр элбэх массыына тоҕуоруһан аасыһар суолларыгар светофор туруорулларын туруорсубуттара балай эмэ ыраатта. Ол оннугар бэҕэһээ о.э. ахсынньы 3 күнүгэр, эбиэттэн киэһэ 16 чааска, ФКУ УПРДОР “Вилюй” тэрилтэ туруорсуутунан “Колыма” бэдээрээлинэй тыраасса 179 км о.э. Чурапчы нэһилиэгэр киириигэ светофор холбоммутун туһунан “Дорожник” ХЭТ пресс-киинэ иһитиннэрэр.
“Ити перекресток урут-уруккуттан биһиги кэтээн көрүүбүтүнэн, дьон олоҕун быһааһыннаах суол саахала тахсар саамай сэрэхтээх учаастага. Онно сыһыарыллан ити светофор үлэтэ суол быраабылатын тутуһууга уонна суоппардар болҕомтолоохтук айанныылларыгар төһүү күүс буолуо этэ”, - диэн полиция старшай лейтенана, ГИБДД инспиэктэрэ Павел Сибиряков этэр.
Светофор киэһэ 22 чаастан сарсыарда 6 чааска дылы тональнай тохтобулга холбонор онтон салгыы күннээҕи эрэсииминэн үлэлиэҕэ диэн быһаараллар.
