Киир

Киир

Бүгүн СӨ успуордун Министиэристибэтин Кэллиэгийэтэ үтүө түмүктээх мунньах ыытта. Элбэх куолас быһаарыытынан, 2027 сылга Ньурба куоратыгар Саха Өрөспүүбүлүкэтин норуоттарын Спортивнай Оонньууларын тэрийэр буоллулар. Ньурбаҕа ыытылларын туһугар 11 куолас, оттон Хаҥалас оройуонун туһугар 10 киһи куолаһа киирдэ. Онон, Ньурба олохтоохторугар итии-истиҥ эҕэрдэ!

Маннык быһаарыныы Ньурба куората өрөспүүбүлүкэҕэ успуорт сайдыытыгар дьоһун кылааты киллэрэригэр суолу тэлиэ. Маны таһынан, бу дьаһал Ньурба ыччатын кэккэтигэр уонна нэһилиэнньэ үгүс араҥатыгар физическэй култуура маассабайдык уонна үтүө өрүттээхтик сайдарыгар төһүү күүс буолуоҕа. Эбиитин олохтоох дьон уопсай соругу ситиһэргэ биир сомоҕо буолалларыгар, оройуон уопсастыбатын уонна экэниэмикэтин сайдыытыгар улахан суолталаах буолуоҕа.

Тарҕат:

Санааҕын суруй