Госдума дьокутаата Султан Хамзаев дьону маассабай арыгылааһынтан араҥаччылыыр туһугар, Саҥа дьыл кэмигэр арыгы атыытын хааччахтыыр туһунан тыл көтөхтө.
Кини: “Саҥа дьыл кэмигэр арыгыны хааччаҕа суох атыылааһын – дьон олоҕор уонна доруобуйатыгар иэдээннээх охсууну оҥоруу. Бу маннык тыын суолталаах боппуруоһу аҥаардас арыгыны атыылааччылар эрэ илиилэригэр туттаран кэбиһэр сыыһа. Сорох дьон туох да хааччаҕа суох, “бүтэһиктэригэр диэри” арыгылыахтарын баҕараллар... Ол оннугар, дьону арыгыттан аралдьытар туһугар, Саҥа дьыллааҕы култуурунай-маассабай тэрээһиннэри, киинэ тыйаатырдарын, түмэллэри, бассыайыннары, успуорт комплекстарын босхо гынар наада. Оччоҕуна элбэх киһини “бытыылкаттан хостоон” таһаарыахпыт” диир.
