Киир

Киир

Аммаҕа ыытылла турар инбэлииттэр аан дойдутааҕы күннэригэр аналлаах декадалара икки көрүҥүнэн ыытылла турар. Хааччахтааһын миэрэлэринэн күрэстэр сүрүннээн тэйиччиттэн олорон ыытыллаллар, оттон куйаар куоттаах спортсменнар сирэй көрсөн күрэхтэһэллэр. Декадаҕа амарах санаалаах олохтоох урбаанньыттар, тэрилтэлэр көмөлөрө тугунан да кэмнэммэт.

аммма2

амма 3

амма4

Аммаҕа инбэлииттэр аан дойдутааҕы күннэригэр аналлаах декада ахсынньы 6 - 17 күннэригэр эдэр бэрэссэдээтэл Светлана Софронова салалтатынан тэрээһиннээхтик ыытылла турар. Түөрт күн иһигэр үһүс көлүөнэ оскуолатын балаҕаныгар литература, сокуон хайысхатынан ыытыллыбыт викторинаҕа Амматтан Семен Килбясов бастакы, Алтантан Анатолий Никифоров иккис, Амматтан Валентина Стручкова үһүс миэстэҕэ таҕыстылар. Хаартыскаҕа түһэрээччилэр кыһыҥҥы айылҕа кэрэ көстүүлэрин аппарааттарын хараҕар хатаатылар, оттон эр дьон төрүт аһылыкпытын астааһыҥҥа күрэхтэстилэр. Остуол оонньууларыгар кылаабынай судьуйа Галина Карамзина маастар кылааһы ыытта. Күрэхтэһии түмүгүнэн эдэрдэргэ Чакыртан эр дьоҥҥо Павел Филиппов бастакы, Соморсунтан Николай Иванов иккис, дьахталларга Алтантан Мария Лыткина бастакы, Соморсунтан Саргылана Попова иккис, орто саастаахтарга Амматтан Ирина Миронова кыайыылааҕынан, аҕам саастаахтарга Соморсунтан 78 саастаах Семен Рязанскай бастакы, Михаил Протопопов иккис, Амматтан Ольга Платонова бастакы, Абаҕаттан Елена Устинова иккис миэстэ буоллулар.

амма5

амма 6

«Хааччахтааһын миэрэлэринэн декадабыт иһинэн ыытыллыахтаах күрэхтэһиилэрбит сүрүннээн тэйиччиттэн бара тураллар. Быһыыны ылбыт куйаар кодтаах спортсменнар остуол оонньууларыгар Аммаҕа кэлэннэр сирэй көрүстүлэр. Икки бастакы күрэхтэһиилэрбитин ыытыыга бастакынан спонсор быһыытынан көмөлөспүт «Махтал» маҕаһыын хаһаайката Саргылана Пантелеймоновна Тимофееваҕа уонна биллэр урбаанньыт Людмила Еремеевна Куприяноваҕа улахан махталбытын тириэрдэбит.

амма 7

Кинилэр курдук амарах санаалаах биирдиилээн урбаанньыттар уонна тэрилтэлэр ахсынньы 17 күнүгэр диэри буолуохтаах декадабыт тэрээһиннэригэр көмө буоларга илиилэрин утары ууммуттарыттан үөрүүбүт өссө үрдүүр», - диэн этэр Светлана Софронова.

Алтана Артемьева.

Ылыллыбыт сигэтэ: https://xn--80aaaambpp4b1d.xn--p1ai/article/33938

Тарҕат:

Санааҕын суруй