Уус Алдан улууһун Сыырдаах нэһилиэгин олохтооҕо Василий Копырин эриэккэс баабыры оҥорбут. Кини кэлэр сыл бэлиэ кыылын оҥороругар сүөһү сааҕыттан балбааҕы туттубут. Хата, олус бэртээхэй скульптура буолан тахсыбыт!
Бу үтүө сонуну оройуон дьаһалтатын инстаграмыттан көрдүбүт.
«Василий Иванович бааһынай хаһаайыстыбаны тутар, иллэҥ кэмигэр бултуурун уонна айылҕаҕа сылдьарын сөбүлүүр, сыл ахсын кини сүөһү сааҕыттан кэлэр сыл бэлиэлэрин оҥорор», - диэн пресс-сулууспа ааптар туһунан иһитиннэрэр.
Ааспыт 2020 сылга Василий Копырин балбаахтан кырыысаны кэйбит оҕуһу оҥорбута.
Оттон, сүөһү сааҕыттан үгүс фигуралары оҥорон аатырбыт Михаил Боппосов билиҥҥитэ бэйэтин саҥа оҥоһугун көрдөрө илик.
