Киир

Киир

Сүлдьүкээр Мииринэй куораттааҕар ордук бытарҕан тымныылаах, тыйыс чысхааннаах буолааччы.

Уһун кэм устатын тухары манна былыргы ПАКУ хочуолунайа дьиэлэри сылытан кэллэ. Маны, Мииринэй курдук кыахтаах оройуон саҥа, күүстээх модульнай хочуолунайга уларыппыта ырааппыт буолуохтаах этэ. Уларыппатахтар.

Хочуолунай эргэтиттэн сылтаан, олохтоохтор ахсым тымныылары кытаанах усулуобуйаҕа көрүстүлэр. Бастаан носуос утума аккаастыы сылдьан дьиэлэр сөрүүдүйэн барбыттара, аны билигин түөрт хочуолтан биирдэстэрэ тэһиннэ. Бэҕэһээҥҥиттэн Сүлдьүкээр дьиэлэрэ эмиэ биллэ сөрүүдүйдүлэр. Бу иннинэ, дэриэбинэ «Колобок» оҕо уһуйаана үлэтин тохтотон, кырачааннары дьиэлэригэр тарҕаталаабыттара. Маннык тыйыс тымныыларга, бу туох баар ситим аккаастаата да, оһоҕо суох сүлдьүкээрдэр дьиэлэрэ тоҥ хаһааҕа кубулуйара саарбахтаммат.

«Садын» эбэҥки национальнай нэһилиэгин дьаһалтатын баһылыга Уйбаан Ойуурап миэхэ эппитинэн, суһаллык, Мииринэйтэн ПТВС биригээдэтэ ыҥырылынна. Онон, хочуол өрөмүөннэнэн балаһыанньа көнөрүгэр эрэл кыыма баар.

Станислав Алексеев. Мииринэй куората.

Тарҕат:

Санааҕын суруй