Полиция үлэһиттэригэр массыынаны арыйар быраап биэрэр туһунан саҥа сокуоҥҥа Арассыйа бэрэсидьиэнэ Владимир Путин илии баттаата.
Сокуоҥҥа сурулларынан, полицейскайдар дьон олоҕун суһаллык быыһыыр туһугар массыынаны арыйар бырааптаннылар, итини таһынан маассабай бэрээдэги кэһии түбэлтэлэригэр, дьоҥҥо куттала суох буолууну хааччыйыыга, дьайы тохтотууга уонна террористическай акт туһунан иһитиннэрии киирдэҕинэ, быраабы араҥаччылааччылар тимир көлөнү күүстэринэн арыйан киирэр бырааптаннылар.
Массыынаны арыйыан иннинэ, полиция сотруднига бэйэтин билиһиннэриэхтээх, тоҕо арыйарын төрүөтүн быһаарыахтаах уонна гражданнар тус бырааптарын, эбээһинэстэрин этиэхтээх. Тимир көлө хаһаайына чугаһынан суох буоллаҕына, кинини булан 24 чаас иһигэр сэрэтиэхтээх.
